ტრენინგის მე-5 დღე

    დღეს მსმენელებმა წყვილებში ერთმანეთს წარვუდგინეთ პროექტის პრეზენტაციები,  გავუზიარეთ საკუთარი მოსაზრებები,   მივეცით და მივიღეთ  რჩევები, რეკომენდაციები.
     ჩვენი პროექტის პრეზენტაციები ავტვირთეთ ინტერნეტ-დრაივზე, შემდეგ გამოვაქვეყნეთ საკუთარ ბლოგებზე.
      აი, ასეთი საინტერესო დღე გამოგვივიდა! 

ტრენინგის მე-4 დღის რეფლექსია

       დღეს ნაკლებად დავიღალე, მიუხედავად იმისა, რომ სიცხე მაქვს და გრიპის ვირუსებს ვავრცელებ, ალბათ ძალიან საინტერესო იყო და იმიტომ!
       დღეს განვიხილეთ შეფასების სხვადასხვა მეთოდები, მოსწავლეთა საჭიროებათა ანალიზი, ვნახეთ ნიმუშები. დავიწყეთ ჩვენს პორტფოლიოში შეფასების გეგმის შევსება.  მივიღეთ დავალებები შემდეგი შეხვედრისათვის.
       აი, ასე ვყოჩაღობთ!

ტრენინგის მესამე დღის რეფლექსია

       დღე ნაყოფიერი გამოდგა! ჩამოვაყალიბეთ პროექტის მიზანი, განვსაზღვრეთ საგნობრივი სტანდარტები, გავწერეთ ამოცანები. პროექტის გზამკვლევში დავათვალიერეთ მიმართულების მიმცემი საკვანძო შეკითხვების ნიმუშები (ვაღიარებ გზამკვლევის ეფექტურობას და უნიკალურობას!) და დავიწყეთ ფიქრი საკუთარი პროექტის კითხვებისთვის. დავიწყეთ მუშაობა ,,googledok"-ში და......
გ ა დ ა ვ ი წ ვ ი თ !

პირველი მოდულის რეფლექსია

      ტრენინგის მე-2 დღე მიიწურა.
      დღე დავიწყეთ სიტუაციური ამოცანის განხილვით. შემდეგ გავეცანით პროექტის პუბლიკაციის აუცილებლობას, მისი შექმნის თემატიკას, ვნახეთ პუბლიკაციების ნიმუშები, შაბლონები. გავეცანით, რა შესაძლებლობას გვთავაზობთ word-ი პუბლიკაციების შექმნისთვის.  დავიწყეთ პუბლიკაციის შექმნა, გავაკეთეთ ,,ჩონჩხი" და შევინახეთ პორტფოლიოში.
      მარტო ამით არ დავკმაყოფილდით!... ვისწავლეთ ბლოგის შექმნა. შევქმენით საკუთარი ბლოგი და გამოვაქვეყნეთ მოდულის რეფლექსია.
     კ ა რ გ ა დ    ვ ი შ რ ო მ ე თ !